KRITIKAL ang isang binatilyo habang sugatan naman ang isa pa nang mamaril ang isang abogado sa public attorney’s office (PAO) sa Ilocos Sur kaninang umaga, Hulyo 8.
Nasa malubhang kalagayan ngayon sa pagamutan sanhi ng tama ng bala sa ulo ang biktimang si Gelvin Quinez, 15, habang sa binti naman ang tama ng isa pang biktima na si Edmar Mongolio, 17, at isa pa nilang kabarkadang nakatakas naman na si Rey John Jaramillo, 16.
Nagpapagamot din ng sugat sa ulo ang suspek na si Geofrey Alapot, ng Public Attorney’s Office, matapos tamaan ng bote ng softdrinks na ibinato ng mga naturang kabataan sa kanyang bahay sa Barangay Quimmarayan, Sto Domingo.
Depensa ni Atty. Alapot, bago ang insidente ay binato ng mga suspek ang kanyang bahay ngunit ang ulo niya ang tinamaan.
Sa galit, binaril niya ang mga biktima na papalayo sa kanyang bahay habang sakay sa kanyang motorsiklo.
The post Abogado namaril, 2 binatilyo malubha appeared first on Remate.