PATULOY ang pagsasagawa ng hot pursuit operation ng Antipas-PNP matapos paslangin ng tatlong suspek ang isang magsasaka sa Alenyon, Brgy. Malatab, Antipas, North Cotabato kahapon.
Kinilala ang biktima na si Rogelio Golisao, 40, may asawa ng nasabing lugar habang kinilala naman ang salarin na si Meyo Bayog, kasama ang dalawang ‘di pa nakikilalang mga suspek.
Sa inisyal na imbestigasyon, naglalakad umano ang biktima kasama ang misis nito para iluwas sa National Highway ang kanilang inaning saging.
Pagdating nila sa bahagi ng gomahan ay biglang tumambad sa kanila ang tatlong suspek at dito na sila pinagbabaril.
Nagtamo ng siyam na tama ng bala ng 12 gauge shotgun si Golisao na agad ikinamatay nito, habang mabilis na nakatakas ang mga suspek.
Sinasabing personal grudge ang dahilan ng pamamaslang.
The post Magsasaka sa NoCot tinadtad ng bala, patay appeared first on Remate.