SAN FERNANDO CITY, LA UNION – Isang police ang aksidenteng nabaril ang sarili habang ito’y umiihi sa banyo mismo ng police office sa San Fernando, sa nasabing lalawigan noong Martes ng umaga, July 22.
Kinilala ang biktima na si PO3 Armando Bautista, naka-assigned sa intelligence division sa San Fernando Police Office.
Sa imbestigasyon ng lokal na pulisya, pumunta si Bautista sa CR sa kanilang opisina at nilagay niya ang baril sa kanyang baywang.
Hindi niya napansin na sumabit ang hammer ng kanyang .9mm service firearm sa kanyang belt at bigla na lamang pumutok ito at tinamaan ang kanyang paa.
Agad dinala sa ospital si Bautista at inoperahan upang tanggalin ang bala sa kanyang paa. Allan Bergonia