ISANG fetus ang natagpuan ng isang vendor habang naglilinis ng kanilang drainage sa Barangay Unang Sigaw, Balintawak, Quezon City kaninang madaling-araw, Agosto 12, Martes.
Ayon kay SPO1 Edwin dela Cruz ng Quezon City Police District (QCPD) Station 3- Talipapa, natagpuan ang fetus sa kahabaan ng Gana Compound, Barangay Unang Sigaw, Balintawak, QC dakong 2:30 ng madaling-araw.
Naglilinis umano ng kanilang drainage ang vendor na si Marlon Pagkulan sa nasabing lugar nang matagpuan ang isang fetus.
Agad ipinagbigay-alam ni Pagkulan sa kanilang barangay ang natagpuang fetus na agad naman itinawag sa QC police.
Hinihinalang itinapon sa lugar ang naturang fetus. Santi Celario