DAGUPAN CITY, PANGASINAN – Patay ang isang mangingisda matapos tamaan ng kidlat habang nasa laot ng Dagupan City sa nasabing lalawigan.
Nakilala ang biktima na si Army Soy, ng Bonuan Gueset sa nasabing siyudad.
Sa ulat, ayon sa mga kamag-anak ng biktima, pauwi na umano ang biktima ng biglang kumidlat at tinamaan siya.
“Pagkatingin ko sa langit, kumislap, nung sabi ko sa utol ko na dumapa siya, isisid niya ‘yung sarili niya pati ako, tapos nung sinisid namin, hindi ko naman akalain na ganun pala ang mangyayari sa tiyuhin ko,” sabi ng isang pamangkin ng biktima.
Isinugod sa hospital ang biktima dahil sa tinamong sunog sa mukha at katawan ngunit tuluyan na rin siyang namatay. ALLAN BERGONIA