TODAS ang dalawang magsasaka makaraang tagain ng kasamahang magsasaka dahil sa matinding away sa pag-aagawan ng lupa sa Barangay Sicade, bayan ng Kumalarang, Zamboanga del Sur.
Nakilala ang mga nasawi na sina Ruben Gontinas at Edgardo Monicit, residente ng nasabing lugar habang ang mga suspek naman ay kinilalang sina Julito Palgan at Marciano Manlangit.
Nabatid na nagkaroon ng away sa pagitan ng mga biktima at mga suspek na humantong sa pagpaslang.
Matagal nang may alitan ang pamilya ng dalawang panig kaugnay sa pag-aagawan ng ilang ektaryang lupa sa lugar.
Boluntaryo namang sumuko sa mga rumespondeng pulis ang dalawang suspek at ngayon ay pansamantalang nakakulong at isinailalim na rin sa inquest proceeding sa kasong pagpatay.