PATAY ang lima katao, habang anim pa ang pinaghahanap sa naganap na landslide sa Kananga, Leyte.
Kinumpirma ni Mayor Eric Codilla na na nangyari ang insidente sa Upper Mahiao Geothermal Project ng kompanyang Energy Development Corp. (EDC).
Nabatid na 43 empleyado ang nasa site nang mangyari ang landslide, kung saan 36 sa mga ito ay accounted na habang 21 naman ang ginagamot dahil sa minor injuries.
Alas-9:58 kaninang umaga ng nagkaroon ng landslide sa nasabing lugar dahil sa ilang araw na pag-ulan na sinundan pa ng paglindol.
Patuloy pa sa paghahanap ang awtoridad sa anim kataong natabunan ng mga putik.