ISANG 5-anyos na pre-school pupil ang nasawi makaraang matabunan ng binu-bulldozer na lupa sa isang construction site sa Albay.
Nakilala ang nasawi na si Jeremy Fernandez y Sembrano, ng Barangay San Antonio, Libon, naturang lalawigan.
Nabatid na nagpapraktis ang biktima kasama ang mga kaklase nito para sa kanilang recognition day ngunit nang mag-break ay napunta si Jeremy sa construction site malapit sa lugar.
Aksidente itong natabunan ng lupa na binu-bulldozer naman ng suspek na kinilalang si Michael Abejuela.
Agad namang nagsagawa ng rescue operation kung saan makalipas ang halos 30 minuto ay na-recover ang katawan ng bata na wala ng buhay.
Kasalukuyan namang nagsasagawa ng imbestigasyon ang Libon Municipal Police Station kaugnay sa naturang insidente.