INIREKLAMO ng pangongotong ang dalawang rookie cops at dalawang police asset matapos kikilan ang dalawang call center agent sa Quezon City, Martes ng madaling araw (Marso 5).
Kinilala ni Quezon City Police District director chief Supt. Richard Albano ang mga suspek na sina PO1 George Verbo Jr.,37 at PO1 Thomas Tulio, 31, miyembro ng PNP at nakatalaga sa QCPD Station 5 Fairview. Ang dalawang police asset naman ay kinilala na sina Domingo Mendaro, 42 at Jerry Sora, 40.
Batay sa reklamo nina Salustiano dela Cruz at Norminia Sison, pawang call center agent, papasok sila sa pinagtatrabahuhang call center office sa Fairview, QC noong Martes at habang naghihintay ng masasakyan ay inaresto sila ng mga suspek.
Nagmakaawa umano ang mga complainant na huwag silang ikulong hanggang sa hingian sila ng mga suspek ng halagang P20,000.
Subalit halagang P15,000 lamang ang naibigay ng mga complinant sa mga suspek.
Matapos ang insidente agad nagtungo ang mga complinant sa tanggapan ni General Albano sa QCPD at inireklamo
Agad pinadis-armahan at pinatanggalan ng tsapa ni Gen. Albano ang dalawang pulis na nahaharap ngayon sa kaso.