SINALAKAY ng mga pulis ang isang KTV bar matapos makatanggap ng impormasyon may mga menor de edad na nagsisilbing mga Guest Relation Officer sa Caloocan City, Linggo ng gabi, Marso 17.
Dakong alas-11:30 ng gabi nang salakayin ng mga pulis ang Like Wise KTV Bar sa MacArthur Highway ng lungsod.
Umaabot sa 18 kababaihan ang inimbitahan sa presinto kung saan anim sa mga ito ang hinihinalang mga menor de edad pa.
Nabatid na nakatanggap ng impormasyon ang mga pulis na may mga GRO ang nasabing ktv bar na mga menor de edad naging dahilan ng pagsalakay.