SHOOT sa selda ang isang binata matapos niyang sakalin ang pulis na sumita sa kanya habang nakaangkas sa motorsiklo sa Caloocan City, Biyernes ng gabi.
Nahaharap sa kasong direct assault si Jerome Lara, 22-anyos, ng Calaanan cmpd., ng lungsod.
Batay sa ulat, dakong alas-10:30 ng gabi nang masita ni PO2 Ernie Mactal ang suspek habang nakaangkas na walang helmet sa B. Serrano St., ng lungsod.
Nagalit ang suspek at sinakal ang pulis ngunit mabilis na pinosasan ng kasama ni Mactal si Lara at binitbit sa presinto at sinampahan ng nasabing kaso.