TODAS ang isang motorcycle rider matapos sumalpok sa center gutter sa Caloocan City, Linggo ng gabi.
Dead on arrival sa Pagamutan Lungsod ng Malabon si Wilbert Flores, 29-anyos, ng Libis Espina, ng lungsod dahil sa tinamong pinsala sa ulo at katawan.
Sa ulat, dakong alas-6:20 ng gabi, binabagtas ng biktima ang Dagat-Dagatan Avenue ng lungsod nang sumayad ang unahang gulong sa center gutter na naging dahilan upang tumilapon kasama ang motorsiklo.
Sumalpok pa ang biktima sa poste ng ilaw na naging dahilan upang dalhin sa PLM ngunit binawian rin ng buhay.