TATLONG crew ang nasugatan makaraang magkaroon ng sunog sa Shakey’s pizza parlor sa Mall of Asia (MOA) sa Pasay City kaninang alas-10:18 ng umaga.
Mabilis namang naapula ang sunog dahil kaagad nakaresponde ang Pasay City Fire Department sa Shakey’s.
Base sa inisyal na imbestigasyon, pumutok ang pressure fryer ng pizza parlor kaya sumambulat ang laman nitong mantika na tumalsik sa mga crew.
Nagdulot din ito ng apoy at usok kaya nagkagulo ang mga tao.
Kasalukuyang ginagamot sa clinic ng MOA ang mga sugatang crew habang wala pang pahayag ang pamunuan ng Shakeys at ang nasabing mall ukol sa insidente.