KULONG ang dalawang magkapitbahay na tulak sa isinagawang buy-bust operation sa Caloocan City, Miyerkules ng gabi.
Nakilala ang mga suspek na sina Daniel Labing-isa, alyas Danny Onse, 46-anyos at Frederick Cleofas, 26-anyos, kapwa ng Rubyville, Baesa, ng lungsod.
Nabatid na nakatanggap ng impormasyon ang mga pulis na nagbebenta ng shabu ang mga suspek sa nasabing lugar na naging dahilan upang magsagawa ng buy-bust operation dakong alas-6 ng gabi.
Isang pulis ang umaktong bibili at nang iabot ng mga suspek ang isang sachet ng shabu kapalit ng P500 ng una ay agad na dinamba ang magkapitbahay.
Nakuhanan pa ng tig-isang sachet ng shabu ang mga suspek nang kapkapan ng mga pulis na naging dahilan upang kapwa bitbitin sa presinto.