NABAWI ang kinarnap ng tricycle ng isang ginang matapos iwan sa kalsada ng hindi pa kilalang suspek sa Caloocan City Biyernes ng hapon, Abril 12.
Sa pahayag ng biktimang si Elsa Badilla, nasa hustong gulang ng Phase 1, Bagong Silang ng lungsod, dakong alas-4 ng kahapon ng madaling araw nang matangay ng suspek ang kanilang tricyle na Kawasaki HD3 (OW-9580) habang nakaparada sa tapat ng kanilang bahay.
Agad na nagsumbong sa mga pulis ang biktima at dakong alas-3:50 ng hapon nang makita ng mga nagrorondang mga pulis ang tricycle habang nakaparada sa Phase 11, Tala ng lungsod.
Naibalik sa biktima ang tricycle kung saan inaalam na ng mga pulis kung sino ang suspek.