DAHIL sa hindi pag-aksyon sa jueteng at iba pang uri ng sugal sa kani-kanilang hurisdiksyon, sinibak sa posisyon ang 13 police chiefs sa Calabarzon region.
Ang relief order ay inaprubahan ni Philippine National Police chief Director General Alan Purisima at isinilbi naman ng Regional Police Human Resources and Development Division 4-A sa ilalim ng pamamahala ni Senior Superintendent Rolando Opeña.
Ang mga sinibak ay sina police chiefs ng Dasmariñas City sa Cavite; ang Ilaya police station, San Jose, San Juan, at Lemery, na pawang sa Batangas; Cabuyao City, Calamba City, Los Baños, Pakil at Nagcarlan, na pawang sa Laguna naman; Jala-Jala at Taytay sa Rizal; at Padre Burgos sa Quezon.