PATAY ang isang mister matapos pagbabarilin ng hindi pa kilalang suspek habang ang una ay nakatambay sa Muslim Community sa Caloocan City Lunes ng gabi, Abril 15.
Dead on the spot sanhi ng mga tama ng bala sa katawan si Nasip Saomay, 27, ng Phase 1, Bagong Silang ng lungsod.
Sa ulat, dakong alas-9:30 ng gabi, nakatayo ang biktima sa Musllim Community sa nasabing lugar nang pagbabarilin ng suspek.
Matapos ang insidente ay tumakas ang suspek kung saan binuhat ang biktima ng mga kaanak at inuwi sa kanilang bahay.
Tumanggi ang mga kaanak ng biktima na ipa-autopsy pa ang bangkay dahil sa kanilang pananampalataya na kilangan mailibing agad ang biktima.
Inaalam na ng mga pulis kung sino at ano ang motibo ng suspek upang patayin ang biktima.