TODAS ang dalawa katao habang 20 ang sugatan makaraang matumba ang isang truck sa Calatrava, Negros Occidental.
Nasawi sina Devincio Macalua at Albert Siton, mga taga-Brgy. Lub-ang, nasabing bayan.
Nabatid na sakay ng trak ang mga nagsisipaglibing na minamaneho ni JoJo Luque-Loque nang mawalan ng kontrol ang naturang sasakyan matapos mag-overtake ang sumusunod sa kaniyang sasakyan at bumangga sa poste.
Tumilapon ang ilang mga pasahero ng naturang trak habang nadaganan mismo ng truck ang iba dahilan ng agarang pagkasawi ng dalawa at pagkasugat naman ng iba pa.
Ang mga biktima ay kaagad isinugod sa pagamutan.