PINAGSASAKSAK hanggang mamatay ang isang dating call boy ng bading na kanyang tinadyakan makaraang sa Sta. Cruz, Maynila.
Kinilala ang biktima na si John Eric B. Martinez, 18, residente ng Remigio St., kanto ng Tomas Mapua St., Sta Cruz.
Nakatakas naman ang suspek na nakilala lamang sa pangalang Abdul.
Sa report ni SPO2 MIlbert Balinggan, imbestigador ng Manila Police District-Homicide Section, dakong alas-12:00 ng hatinggabi nang maganap ang insidente.
Sa imbestigasyon, nasa kahabaan ng CM Recto sa Avenida St. ang biktima nang nilapitan ng suspek. Subalit paglapit ng huli ay tinadyakan ito ng biktima.
Agad namang umalis ang bading ngunit makalipas ang ilang sandali ay agad ring bumalik at kinumpronta ang biktima hanggang nauwi ito sa suntukan.
Bumunot ng patalim ang bading at sinaksak sa iba’t ibang bahagi ng katawan si Martinez.
Naisugod pa sa Jose Reyes Memorial Medical Center ang biktima subalit idineklarang dead on arrival ng manggagamot.