ISA na namang mediaman ang namatay matapos ambusin sa Kabasalan, Zamboanga Sibugay kaninang tanghali.
Kinilala ang biktima na si Mario Vendiola Ballosis, 30, radio announcer sa Kabasalan, Zamboanga Sibugay.
Sa imbestigasyon ng Kabasalan Police, 11:30 ng umaga kanina, papasok ng trabaho ang biktima nang tambangan ng riding-in-tandem malapit sa isang gasolinahan.
Nakuha sa lugar ng krimen ang tatlong basyo ng kalibre .45 na baril.
Patuloy namang iniimbestigahan ang nasabing insidente at kung may kinalaman ito sa trabaho ng biktima.