NASAKOTE ng mga awtoridad ang tatlong bodyguard ng umano’y politiko dahil sa pagdadala ng baril sa isang checkpoint.
Tatlong baril at mga bala ang nakumpiska ng mga pulis mula sa tatlong bodyguard ng umano’y politiko sa 4th district ng Iloilo na naaresto sa checkpoint sa Brgy. Suhoton, Barotac Nuevo, Iloilo.
Ang mga naaresto ay kinilalang sina Victor Pulmones y Bignayan, 49; Bercil Dusaban y Muyco, 32, at Francisco Alamon y Berneza, 47, ng Brgy. Salihid, Barotac Nuevo.
Nakuha sa mga ito ang isang .45 caliber pistol, isang .9mm pistol, isang magnum 357 at 29 na mga live ammunition.
Ayon kay S/Insp. Ariel Corcino, hepe ng Barotac Nuevo Municipal Police Station, ang 3rd Maneuver Platoon ng Iloilo Provincial Public Safety ang nanguna sa pag-aresto sa tatlo sa isinagawang checkpoint.
Sa kasalukuyan iniimbestigahan pa ng awtoridad ang naturang insidente.