TATLO katao ang nalitson nang buhay kabilang ang 10-anyos na batang babae habang tatlo naman ang nasugatan sa sunog na naganap sa Quezon City, Abril 23, 2018.

Sa report na natanggap ni Quezon City Fire Marshall Sr. Supt. Manuel Manuel, nakilala ang mga nasawi na sina Paulina Santos,55, Rachel Ann Santos, 24 at Raizel Redito,10-anyos; pawang residente ng Roque 1 Ext., Brgy. Pasong Tamo,QC.

Ayon sa bureau of fire ang tatlong nasawi ay nakulong sa naglalagablab na apoy at nalitson nang buhay.

Nakilala naman ang mga nasugatan na sina Juanita Redito,65,Mark Gabriel Ledesma,27 at Antonio Entico,62 , pawang nakatira sa Roque 1 Ext., ng nasabing Barangay.

Sila ay isinugod sa East Avenue Medical Center matapos magtamo ng 2nd degree burns sa iba’t ibang bahagi ng katawan.

Ayon kay Manuel naganap ang insidente dakong alas–11:43 ng gabi, nang sumiklab ang apoy mula sa gatong na lutuan sa kusina ng ikalawang palapag ng bahay ng mag-asawang Raymond at Soledad Redito.

Mula sa bahay ng mag-asawa, mabilis na kumalat ang apoy at nilamon ng apoy 15 pang kabahayan sa lugar.

Mabilis namang nagresponde ang mga fire trucks, kabilang ang mga volunteer fire brigade mula sa Metro Manila at naapula ang apoy bandang alas–12:55 ng hatingggabi. SANTI CELARIO

BLANGKO pa rin ang Calabarzon police sa pinagmulan ng kilu-kilong cocaine na nadiskubre sa katubigang sakop ng Calaguas Island.

Ayon kay Region 4-A Police Director Chief Supt. Guillermo Eleazar, ito ang unang pagkakataon na nakasabat ang pulisya ng iligal na droga sa dagat na may kasamang tracking device.

Sinabi ni Eleazar na makakatulong ito sa pagtunton sa mga sindikato ng droga na nasa likod ng cocaine.

Aniya, sa ngayon ipinasusuri na ito ng Philippine National Police sa technical experts, alinsunod din sa utos ni PNP chief Director General Oscar Albayalde.

Ayon kay Eleazar, 80% ng iligal na droga sa bansa ay shabu. Sa pagkasabat ng bultu-bultong cocaine, kabilang na ang mga ilang nasabat sa police operations, mayroon na itong market sa bansa.

Ipinahayag din ng Region 4-A police chief na makailang ulit na ring nakadiskubre ng palutang-lutang na cocaine sa bisinidad ng rehiyon.

Una nang may nasabat na 28 kilo ng cocaine noong nakaraang linggo, at container ng liquified cocaine na daang milyong piso ang halaga. JOHNNY ARASGA

SIYAM katao na pinaniniwalaang sangkot sa pagtutulak ng shabu ang naaresto sa isinagawang anti illegal drug operation sa loob ng Navotas Fish Port Martes ng gabi, April 24, sa Navotas City.

Kinilala ni Navotas police chief Senior Supt. Brent Milan Madjaco ang mga supek na responsible sa pag tutulak ng shabu ay sina Alberto Morales, 23 at Dennis Pepaño, 31 habang ang ibang kliyente na naaresto rin ay sina Jessie Grafe, 39; Judy Ann Lachica, 19; Marivic Ramirez, 42; Albert Villareal, 33; Jamel Mama, 29; Arnel Cantel, 29; at Romel Esgana, 41.

Ayon kay Senior Supt. Madjaco nakatangap sila tawag ulat sa mapagkakatiwalaang asset hingil sa rampant na pag bebenta ng droga sa loob ng Market 2 in Navotas Fish Port, kaya agad pinuntahan ng mga tauhan ng SDEU at nagsagawa ng surprising anti-illegal drug operation pasado alas-9 ng gabi.

Naabutan ang mga suspek sa loob ng Market 3 na aktong gumagamit ng shabu sa isang pinaniniwalaang drug den kung saan naaresto siyam na drug personalities kung saan itinuturo ang isang Morales at Pepano ang kanilang supplier.

Ang mga awtoridad ay nakarekober ng 10 transparent plastic sachets ng shabu at dalawang plastic sachets na naglalaman ng shabu at maraming drug paraphernalia.

Ang mga naaresto ay pormal na sinampahan ng kasong paglabag sa R.A. 9165 or the Comprehensive Dangerous Drugs Act of 2002 sa  Navotas City Prosecutors Office. ROGER PANIZAL

ISANG 15-anyos na na dalagitang estudyante na umanoy maagang nasira ang kinabukasan matapos pagsamantalahan ng isang manyakis na factory worker na nakainuman ng biktima sa loob ng bahay ng suspek Martes ng gabi, April 25, sa Malabon City.

Nakapiit naman ngayon habang nahaharap sa kaukulang kaso ang manyakis na suspek na nakillang si Mark Paulo Chan, 21 ng 156 Sisa St., Brgy., Acacia.

Ayon sa isinagawang imbestigasyon ni Malabon Police Women’s and Children Protection Desk PO1 Mayett Simeon na pasado alas-11 ng gabi nang maganap ang panghahalay sa loob ng bahay ng suspek.

Bago ang insidente, unang nag-inuman ang biktimang itinago sa pangalang “ Juvyt”, grade 9, kasama ang kanyang mga kaibigan na sina Diane at Adriane sa bahay ng suspek.

Matapos ang ilang tagay ng alak, napansin na lamang ng biktima ang kanyang dalawang kaibigan na umalis ng bahay na walang paalam sa kanya.

Dahil sa pagkahilo, nagpasya na lamang ang biktima na matulog sa bahay ng suspek hanggang sa magising na lamang ito nang maramdaman ang ginagawang kahalayan sa kanya ng lalaki kaya pumalag ang dalagita.

Subalit, walang nagawa ang biktima sa lakas ng lalaki nang sapilitan umano itong halayin.

Matapos ang panghahalay ay umalis ang dalagita saka ipinaalam sa kanyang kaibigang lalaki na sunduin siya.

Agad namang humingi ng tulong ang mga ito sa mga tauhan ng Police Community Precinct 4 na sina PO1 Ricardo Francisco Jr. at PO1 Mark Jay Andres na nagresulta sa pagkakaaresto suspek. ROGER PANIZAL

PATAY na ng matagpuan ang isang construction worker makaraang pagsasaksakin ng kanyang kasamahan sa trabaho sa loob ng ginagawang Red Hotel kahapon ng umaga Abril 25, 2018 (Miyerkules) sa Cubao, Quezon City.

Nakilala ang biktima na si Wharen Bucao, 20-anyos, binata, construction worker, helper, tubong Tanauan, Batangas at residente ng Sitio Muzon, Brgy. Puting Kahoy, Cavite.

Ayon sa pulisya si Bucao ay nasawi dahil sa tinamong limang tama ng saksak sa katawan.

Nakatakas naman ang dalawang suspek na kasamahan sa trabaho ng biktima na sina Melencio Tamang at Dexter Galupo kapwa construction worker at kasalukuyan pinaghahanap ng mga pulis.

SA imbestigasyon ni PO3 Jerome Dollente ng Quezon City Police District-Criminal Investigation and Detection Unit (QCPD-CIDU) natagpuan ang bangkay ng biktima sa loob ng barracks sa 4th floor ng ginagawang building ng Red Hotel sa no. 4 Pinatubo St., Brgy.San Martin De Porres,Cubao,QC dakong 7:00 ng umaga.

Sinabi ni PO3 Dollente na huling nakitang magkasama ang biktima at ang mga suspek na sina Tamang at Galupo sa barracks ng ginagawang hotel building sa 4th floor dakong alas-3:00 ng madaling-araw.

Matapos ito natagpuan na lamang ang bangkay ng biktima ng kanyang mga kasamahan na may tama ng saksak sa katawan.

Kasalukuyan nang nagsasagawa ng follow up operation ang mga pulis laban sa dalawang kasamahan ng biktima na itinuturing ng mga pulis na pangunahing suspek sa krimen. SANTI CELARIO

MULING nag-alboroto ang bulkang Kanlaon makaraang makapagtala ng dalawang (2) volcanic earthquakes sa paligid nito sa nakalipas na magdamag kaninang umaga Abril 26, 2018 (Huwebes).

Ayon sa Philippine Institute of Volcanology and Seismology (Phivolcs) katamtaman ang pagbuga ng puting usok sa bunganga ng bulkan.

Nabatid sa Phivolcs na patuloy na nakataas sa alert level 2 status ang paligid ng bulkan Kanlaon at nanatili ito sa pag-aalboroto na maaaring mauwi sa pagsabog.

Pinayuhan din nito ang local government unit sa paligid ng bulkan at ang publiko na mahigpit na ipinagbabawal ang pagpasok sa 4-kilometer radius Permanent Danger Zone (PDZ) dahil sa banta ng pagsabog.

Nagbabala din ang Phivolcs sa Civil aviation authorities na payuhan ang kanilang mg piloto na iwasan magpalipad ng eroplano malapit sa bunganga ng bulkan dahil sa banta ng pagsabog at maaaring makasama sa eroplano ang mga hazardous na maaaring ibuga ng bulkan.

Ang bulkang Kanlaon ay itinuturing na active volcano dahil sa mga nakalipas na pag-aalboroto nito. SANTI CELARIO

DALAWANG kongresista ang nahulog sa tulay habang nagsasagawa ng inspeksyon sa reklamo ng substandard housing sa Sitio Hongkong, Brygay Rio Hondo, Zamboanga City.

Kasalukuyang binabagtas nina Negros Rep. Alfredo “Albee”Benitez at Zamboanga Rep. Celso Lobregat kasama ang kani-kanilang security at staff nang bumigay ang tulay habang naglalakad patungo sa pabahay para sa mga Badyao na naging biktima at nawalan ng tirahan sa kasagsagan ng Zamboanga siege.

Kasama ng dalawang kongresista sa isasagawa sanang ocular inspection si Zamboanga City Mayor Beng Climaco bandang alas-10:00 ng umaga.

Magkasama sanang sisiyasatin ng tatlong opisyal ang ulat ng substandard housing sa nasabing lugar at kakulangan ng basic utilities at pasilidad sa nabanggit na pabahay.

Nakarating din sa tanggapan ni Benitez ang mahinang pundasyon ng mga bahay at kawalan ng palikuran ng mga pabahay na ibinigay o iginawag ng National Housing Authority sa mga Badjao bukod pa sa bulok na tulay patungo sa mga housing units.

Si Benitez ay chairman ng House Committee on Housing and Urban Development na siya ring nagsiyasat sa mga reklamong palpak na housing projects sa Samar at Leyte para sa mga biktima ng bagyong Yolanda.

Wala namang nasaktan sa nasabing insidente. MELIZA MALUNTAG

2 magsasaka na kapwa tatakbo sa Barangay elections patay sa pananambang sa Lanao del Sur

Patay sa pananambang ang dalawang magsasaka sa Pualas, Lanao del Sur.

Kinilala ang mga biktima na sina Jabber Saripada Tanog at Ayno Abdul Saripada.

Ayon kay Lanao del Sur Provincial Police Director Senior Superintendent Ronald Briones, mayroon pang isang biktima na nakaligtas sa pananambang.

Ayon sa pulisya, tinitignan nila ang anggulo sa pulitika at rido o away ng mga pamilya bilang motibo ng krimen.

Posible umanong private armed group ang nasa likod ng insidente.

Noong nakaraang linggo, naghain ng certificate of candidacy sina Saripada at Tanog. JOHNNY ARASGA

TIMBOG ang itinuturing na top 7 most wanted person at notoryus na ‘jumper boys’ na nagtatago sa loob ng sementeryo sa isinagawang operasyon sa Sta.Cruz, Maynila.

Ayon sa Manila Police District (MPD) -Intelligence Division , nakilala ang suspek na si Ronald Clarit alyas “Ron-ron”, 25, nakatira sa loob ng Manila
North Cemetery.

Naaresto si Clarit dakong ala-1:00 ng hapon sa gilid ng barung-barong na nasa tabi ng mga nitso.

Ayon kay Chief Insp Rolando Armendez, Hepe ng MPD Warrant Section, dakong 7:00 ng umaga nang magbantay na sila sa sementeryo upang arestuhin si Clarit base sa hawak nilang warrant of arrest mula sa Quezon City Regional Trial Court Branch 81 sa kasong 2 counts ng robbery kaugnay sa pagsampa sa sasakyan na bumabaybay sa A. Bonifacio Drive sa QC, nang hindi alam ng driver at nakatangay ng cellphone at iba pang gamit.

Kilalang miyembro ng “Jumper Boys” o “Spidermen” ang suspek na ang modus ay sumampa sa mga truck, bus, delivery at container van habang hindi napupuna ng driver at pahinante at tinatangay ang mapapakinabanagan bago tumatalon habang tumatakbo ang sasakyan.

Nalaman na noong nakalipas na Oktubre 2017 nang isyuhan ng warrant of arrest si Clarit pero nakapagpiyansa at di na lumutang sa korte.

Nabatid na bukod sa pagiging jumper ni Clarit, isa siyang construction worker na paminsan-minsan lang may kontrata.

Noong nakalipas na buwan nang may magtimbre kay Armendez na madalas makita sa sementeryo si Clarit na nasa talaan ng MPD-DID most Wanted
Person . JOCELYN TABANGCURA-DOMENDEN

NABASAG ang bungo ng isang 13-anyos na batang lalaki at nagkalasug-lasog ang katawan makaraang mahulog mula sa ika-siyam na palapag ng condominium habang naglalaro ng kanyang tablets sa Quezon City kahapon ng hapon Abril 25, 2018 (Miyerkules).

Kinilala ni P/Supt. Rodelio B. Marcelo, hepe ng Criminal Investigation and Detection Unit (CIDU) ng Quezon City Police District (QCPD) ang biktima na si Charles Roxas Colin Feir, at residente ng No. 6 South J. St., Brgy. Scared Heart, QC.

Ayon sa inisyal na imbestigasyon ni PO3 Jogene Hernandez, ng CIDU naganap ang aksidente dakong alas-2:22 ng hapon sa Tower 1B, Grass Residence sa Nueva Viscaya St., corner Misamis St., Brgy.Sto Cristo ng nasabing lungsod.

Nabatid sa pulisya, nitong Abril 19 ay bumisita para magbakasyon ang bata sa kanyang lola na nakilalang si Evengeline Esteban-Feir na nakatira sa Unit room 905 sa nasabing condo.

Natutulog umano ang lola ng biktima nang gisingin nang sunud-sunod na katok sa pintuan ng condo at nang pagbuksan niya ito ay ang humahangos na security guard ng tower ang nagbalita sa kanya na may nahulog na bata mula sa nasabing floor.

Agad na sumama ang takot na takot na lola at nang makita niya ang sinasabing bata ay apo pala niya agad na isinugod ang biktima sa Quezon City General Hospital subalit hindi na ito umabot ng buhay. SANTI CELARIO

WASAK ang harapan ng isang 18 wheeler truck nang bumangga sa isang poste kagabi sa Quiapo, Maynila.

Dalawa naman ang sugatan kabilang ang driver ng trak na si Antonio Asebron, 55, at ang isang lalaking tumatawid sa Arlegui St.

Mag aalas-11 umano kagabi nang mawalan ng kontrol ang trak at bumangga sa poste.

Sa lakas ng bangga ay halos madurog na ang harapang bahagi ng trak at nagkalat sa daan ang mga debris at windshield.

Agad din namang nakaresponde ang emergency team at dinala sa pagamutan ang sugatang lalaki na ngayon ay hindi pa batid ang pangalan.

Maswerte ring hindi masyadong malala ang sugat ng driver na si Asebron. JOCELYN TABANGCURA-DOMENDEN

PATAY ang karpentero at kaniyang anak na lalaki habang sugatan ang anak na babae nang mauwi sa karahasan ang away pamilya sa bayan ng Aguilar sa Pangasinan.

Namatay si Wilfredo de Vera, 56-anyos at anak niyang si Kid Willy de Vera, 30-anyos nang pagbabarilin ng kanilang kaanak ang kanilang bahay sa Barangay Panacol, Huwebes ng hapon.

Malubhang nasugatan ang 27-anyos na si Kathly de Vera at ngayon ay ginagamot sa ospital.

Ayon kay Aguilar police chief, Sr. Insp. Rodolfo Santiago agad namang naaresto ang mga suspek sa pamamaril na sina Julian de Vera, 63; anak nitong si Jefferson, 39; at mga pamangkin na sina Marvin de Vera, 46; Ariel Zuñiga, 27; at isa pang menor de edad.

Sa imbestigasyon, sinabi ni Santiago na ang dalawang pamilya ay naninirahan sa magkalapit na bahay.

Nagkaroon umano ng mainitang pagtatalo sa pagitan ng dalawa magkakaanak bago naganap ang pamamaril.

Nakuha mula sa pinangyarihan ng insidente ang dalawang basyo ng 12-gauge shotgun, dalawang basyo ng.45-caliber pistol, at isang kutsilyo. JOHNNY ARASGA

KUMPIRMADO nang patay ang tatlong unang iniulat na nawawala sa naganap na sunog kaninang madaling-araw sa isang commercial-residential building sa Blumentritt, Sta.Cruz, Maynila.

Ayon sa Bureau of Fire Protection (BFP) natagpuan ang katawan ng dalawang biktima na Zardy Luna at Angelito Jumares na magkatabi habang sa di kalayuan naman nila nakita si Dennis Magdaet na siyang nagpapatakbo ng Charipp Trading.

Nabatid na nagsimula ang sunog pasado alas-3 ng madaling-araw sa naturang tindahan ng mga linoleum, school supplies at kurtina kung saan nagtratrabaho sina Luna at Jumares.

Sa inisyal na imbestigasyon ng BFP, nagising mga biktima nang sumiklab ang sunog at tinangkang bumaba sa ground floor mula sa ikatlong palapag ng gusali.

Gayunman, hindi nagawang makatakas sa nagngangalit na apoy ang tatlo nang bumagsak sa kanila ang mezzanine ng gusali.

Nahirapan naman ang mga bumbero na pasukin ang gusali dahil na rin sa kalumaan na nito at sa dami ng mga panindang nasunog.

Umabot sa ikatlong alarma ang sunog na ikinadamay pa ng isang patahian, grocery at tindahan ng plastic.

Sa ngayon ay inaalam pa ang sanhi ng sunog at kabuuang pinsala nito. JOCELYN TABANGCURA-DOMENDEN

NABIGTI sa hinihigaang duyan ang isang buwan anyos na baby matapos itong iwan pansamantala ng kanyang ina habang natutulog sa Baseco, Compound, Port Area, Maynila.

Gawa umano sa nylon ang duyan ng baby na nakilalang si Rovelyn Abriu,residente ng 076 Block 18 ,2nd St. Port Area, Maynila.

Sa imbestigasyon ni PO3 Michael Marragun, ng MPD-Homicide Section, dakong 10:50 ng umaga ng maganap ang insidente sa ikalawang palapag ng bahay ng biktima.

Nasa duyan umano ang biktima nang iwanan ng inang si Rosalinda sa kalinga ng kanyang mga anak na sina Rommel, 9 at Rolando 6 para mangutang ng bigas na kakainin nila sa labas .

Lingid sa kaalaman ni Rosalinda ,iniwan ng mga anak ang natutulog na baby at nakipaglaro sa kanilang mga kapitbahay.

Nang makabalik ng bahay ay tinawag ni Rosalinda ang mga anak para kumain pero laking gulat niya pag-akyat sa ikalawang palapag nang makita ang biktima na nakabigti sa duyan na nylon.

Kaagad umanong inalis sa pagkakabigti ang bata at isinugod sa Justice Jose Abad Santos General Hospital (JJASGH) kung saan idineklara itong walang buhay.

Posible umanong nagising ang bata at nang lumikot ay nahulog dahilan para mabigti ang leeg nito.

Nakakita naman ang pulisya ng bakat ng lubid sa leeg ng biktima. JOCELYN TABANGCURA-DOMENDEN

INIIMBESTIGAHAN ngayon ng Manila Police District ang motibo sa pananambang sa isang lola sa Sta.Cruz, Manila kaninang umaga.

Idineklarang dead on arrival sa Jose Reyes Memorial Medical Center ang biktimang si Josephine Galang, 66-anyos, residente ng Nadura St., Brgy. 20 Caloocan city.

Sa ulat ng Alvarez police community precinct, pasado alas-6:20 ng umaga nang mangyari ang insidente sa A. Mendoza St., nang tambangan ng hindi nakilalang suspek.

Kasama sa iniimbestigahan ng pulisya kong sino ang nasa likod ng pagpaslang sa biktima.

Inaalam na rin ng MPD-Homicide Section kong may CCTV sa lugar upang malaamn kong nahagip ang pamamaril sa biktima. JOCELYN TABANGCURA-DOMENDEN

PALUTANG-LUTANG na nang matagpuan sa Ilog Pasig ang katawan ng isang 44-anyos na freelancer documentation agent sa Muelle Dela Industria, Binondo, Maynila, kaninang umaga, Linggo.

Hinihinalang nalunod at napadpad lamang sa lugar ang biktimang si Joselito Hiangan Gobasco, may-asawa at residente ng no. 521 Delgado st., Sampaloc, Maynila.

Ayon kay SPO3 Jonathan Bautista ng Manila Police District-Homicide Section, dakong alas-9:30 ng umaga nang madiskubre ng isang concerned citizen ang bangkay na lumulutang sa bahagi ng Muelle Dela Industria , sa may panulukan ng Barcelona st., Binondo, Maynila .

Agad namang ipinagbigay alam sa Barangay 283 at ini-report sa San Nicholas Police Community Precinct na sakop ng MPD-Station 11 ang pangyayari at sa Philippine Coast Guard (PCG) na nag-ahon sa bangkay.

Hindi naman nakitaan ng anumang sugat sa katawan ang biktina at walang identification card subalit palatandaan naman ang suot nitong wedding ring na susi upang agad kumpirmahin ng kaniyang anak na si Ronnaliza Gobasco na tatay niya ang bangkay na natagpuan matapos itong magtungo sa Homicide Section.

Sa pahayag ni Ronnaliza , hinanap nila ang ama na hindi na lumutang sa kanilang tahanan simula nang huling makita itong naghihilamos sa kanilang bahay alas-6:00 ng umaga nitong Sabado (Abril 28).

Inaalam na rin ng pulisya kung paano napunta sa ilog ang biktima at kung saan lugar ito huling nagtungo para matukoy kung may foul play sa insidente. JOCELYN DOMENDEN

TIMBOG ang dalawang ginang sa isinagawang simultaneous police visibility at anti-criminality patrol ng mga elemento ng Barbosa Police Community Precinct kaninang madaling-araw.

Nahulihan ng droga ang mga suspek na sina Rosalinda Sumini, 58-anyos, isang dishwasher at Rose Perez, 34-anyos na pawang residente ng Sta.Cruz, Maynila.

Dakong alas-12:45 ng madaling-araw ng maaresto ang dalawa sa C. Palanca St. corner Quezon Blvd. Brgy. 384, Quiapo, Maynila.

Nauna rito, nagpapatrolya umano ang mga pulis nang namataan ang grupo ng mga tao kabilang na ang dalawang suspek habang nagsusugal ng “tong-its”.

Nang sitahin, doon na nadiskubre ang bitbit nilang droga.

Kasong paglabag sa PD 1602 o Possession of Dangerous Drugs ang kahaharapin ng mga suspek na ngayon ay nakadetine na sa himpilan ng pulisya sa Maynila. JOCELYN TABANGCURA-DOMENDEN

INARESTO ng Bureau of Immigration (BI) ang isang American national na may-ari ng beach resort sa Boracay, Aklan dahil sa kawalan ng kaukulang permit .

Si Randall Lee Parker, 52, ay inaresto isang araw bago ipatupad ang pagpapasara sa isla na isa sa top tourist destination sa loob ng The Artienda sa Station Two, o dating Crown Beach Hotel sa Boracay, Malay, Aklan.

Ayon kay BI commissioner Jaime Morente, naglabas ito ng mission order para sa pag-aresto kay Parker matapos maihain ang reklamo kaugnay sa kanyang business activities sa pagpapatakbo sa nasabing resort na walang kaukulang work permito visa.

Morente said he issued a mission order for Parker’s arrest after a complaint was filed with the BI about his business activities in running the said resort without the appropriate work permit or visa.

“He will undergo deportation proceedings for illegally working in the country,” ani Morente.

The BI chief said, adding that both the Labor Code and the Immigration Act strictly forbids aliens from engaging in gainful activity unless they obtain a work permit from the labor department and employment visa from the BI.

Natuklasan din ni Morente na si Parker nilabag din nito ang pananatili niya sa bansa dahil siya ay pumasok sa Pilipinas bilang turista .

Sa bureau’s travel record, lumabas na si Parker ay dumating sa bansa noong April 16,2016 at hindi na umalis pa.

“The rule is that aliens holding tourist visas are not allowed to engage in any form of gainful employment or business activity,” ayon pa sa BI. JOCELYN TABANGCURA-DOMENDEN

PATAY ang isang 28-anyos na janitor matapos pagtulungan bugbugin ng dalawang di nakikilalang suspek dahil lamang sa masamang tinginan sa Sta Cruz, Maynila kaninang madaling-araw.

Dead on arrival sa Jose Reyes Memorial Medical Center (JRMMC) ang biktimang si Arturo Cadungon, ng 1697 LRC Compound , C.M. Recto, Sta. Cruz, Maynila dahil sa matinding pinsala sa kanyang ulo.

Pinaghahanap naman ng pulisya ang dalawang di nakilalang suspek na tumakas matapos ang insidente.

Ayon sa pulisya, dakong 3:42 ng madaling araw nang naganap ang insidente sa panulukan ng Rizal Avenue at Claro M.Recto.

Sa imbestigasyon, nalaman na kapwa nakainom ang biktima at ang mga suspek at posibleng napatingin ang biktima sa mga suspek na ikinairita ng huli.

“Wala naman kursunadahan lang,sinundan yung victim tapos pinagtulungan na nilang bugbugin,”ayon kay San Pedro.

Patuloy namang nagsasagawa ng follow up operation para madakip ang mga suspek. JOCELYN TABANGCURA-DOMENDEN

ISANG 59-anyos na negosyanteng babae ang pinasok sa loob ng bahay at binubog bago pagnakawan ng hindi pa nakikilalang mga kawatan lLnggo ng gabi April 29 sa Malabon City.

Agad namang ipinag-utos ni Malabon police Sr. Insp. Carlos Cosme Jr. ang masusing imbestigasyon upang matukoy ang pagkakilanlan ng suspek at sa agarang pagkakaaresto nito.

Base sa pinagsamang imbestigasyon nina PO2 Rockymar Binayug at PO2 Junny Delgado, dakong alas-6 ng gabi, nasa loob ng kanilang bahay sa Block 41D, Lot 17A, Phase 3 E-2, Brgy. Longos ang biktimang si Fiel Castro, 59 nang pasukin ito ng hindi kilalang suspek.

Kumuha ang suspek ng kahoy at walang sabi-sabing hinataw sa batok ang walang kamalay-malay na biktima upang bumagsak sa sahig ang ginang.

Hindi pa ito nakuntento, hinatak ng suspek sa buhok ang biktima at paulit-ulit na inuntog sa sahig ang mukha nito at tumigil lamang ang lalaki nang hindi na gumagalaw ginang matapos itong magpanggap na patay.

Pagkatapos nito, kinuha ng suspek ang dalawang cellphone na P7,500 ang halaga, cash na pera na aabot sa P10,500 bago lumabas ng bahay at mabilis na tumakas sa hindi amtukoy na direksyon. ROGER PANIZAL