PORMAL na ipapatupad ng Local Government Unit (LGU) ng Navotas matapos na mapirmahan ni Mayor John Rey Tiangco ang Implementing Rules and Regulations para sa City Ordinance 2017-16 o Disciplinary Hours sa Lungsod para sa Minors mula alas 10:00 ng gabi hanggang sa alas 4:00 ng madaling-araw.

Ang ordinansang ito ay nagbabawal sa mga kabataang 17 taong gulang pababa na lumaboy sa lansangan o manatili sa mga pampublikong lugar ng ganoong mga oras kung wala silang makatuwirang dahilan.

Labag din sa ordinansang ito na sadyang payagan ng magulang o hayaan—dahil sa kawalan ng kontrol—ang kanilang anak na abutan ng disciplinary hours na nakatambay lang sa mga pampublikong lugar.

Gayunpaman, hindi saklaw ng ordinansang ito ang mga batang nasa kalsada pero kasama ang kanilang magulang o guardian; mga dumalo sa opisyal na aktibidad ng paaralan, simbahan o komunidad; mga nagtatrabaho; o sangkot sa aksidente o emergency.

Sinuman ang lalabag sa ordinansang ito ay papatawan ng karampatang parusa. ROGER PANIZAL

SUGATAN ang hindi bababa sa labingtatlong katao kabilang ang isang sanggol makaraang araruhin ng isang truck ang walong sasakyan sa kahabaan ng Cabrera Road – Manila East Road sa Barangay Dolores sa Taytay, Rizal.

Dumulas umano ng preno ang isang truck na may kargang drum-drum na diesel kaya dire-diretso nitong sinagasaan ang walong sasakyan sa kaniyang harapan.

Bago ang pagsagasa nakita sa CCTV sa lugar ang mabilis na andar ng truck.

Naganap ang aksidente alas-2:50 ng madaling-araw.

Marami sa mga nasugatan ay pawang pasahero ng isang UV Express.

Kabilang sa lubhang nasugatan ang mga sakay ng tricycle na kasama sa inararo ng truck.

Ginagamot pa sa ospital ang mga nasugatan sa aksidente. JOHNNY ARASGA

PATAY sa magkahiwalay na shootout ang dalawang hinihinalang supplier ng shabu sa kani-kanilang barangay sa Lucena City.

Ayon sa ulat ni Supt. Vicente Cabatungan, hepe ng pulisya ng lungsod, sinalakay ng mga otoridad ang Barangay Cotta dakong alas-4:00 ng hapon.

Pinaputukan umano nina Ruel Kuan at Jonathan Mercurio Romano ang mga otoridad, dahilan para gumanti ang mga pulis.

Dead-on-the-spot ang dalawang drug suspects.

Nakuha kay Romano ang isang homemade shotgun, dalawang basyo ng bala at isa kalibre .38 na revolver.

Narekober naman kay Kuan ang kalibre .45 na baril. Pinaniniwalaang namamahala ng drug den si Kuan.

Samantala, sa naturang magkakahiwalay na operasyon, inaresto naman ang 24 hinihinalangtulak at gumagamit ng iligal na droga. JOHNNY ARASGA

HINDI pa dapat magpakasiguro ang mga opisyal ng barangay na hindi napasama sa listahang inilabas ng Philippine Drug Enforcement Agency (PDEA).

Ayon kasi sa PDEA, ang narco list na kanilang inilabas noong Lunes kung saan mayroong pangalan ng 207 na barangay officials na sabit sa ilegal na droga ay inisyal pa lamang.

Sinabi ni PDEA Director General Aaron Aquino, mayroon pang 274 na pangalan ng mga kapitan at kagawad ng barangay na ngayon ay sumasailalim sa validation at verification.

Linggo-linggo ani Aquino ay mayroong dumarating na impormasyon sa kanilang tanggapan hinggil sa mga opisyal ng barangay na sangkot sa kalakaran ng illegal drugs.

Maliban sa sasampahan ng kaso ang mga naunang napangalanang opisyal ng barangay, sinabi ng PDEA maaring magsagawa din sila ng lifestyle check sa mga ito sa tulong ng Anti-Money Laundering Council. JOHNNY ARASGA

NAGRESULTA sa pagsasara ng westbound lane ng España, Maynila ang pagmamartsa ng libu-libong mga raliyista.

Sa abiso ng Metropolitan Manila Development Authority (MMDA), alas-9:22 ng umaga sarado ang España Boulevard westbound o ang linya na patungo ng Quiapo Maynila.

Ito ay dahil nabarahan ng humigit-kumulang 3,000 mga raliyista ang kalsada at wala nang madaanan ang mga motorista.

Hindi naman naapektuhan ang daloy ng traffic sa kabilang linya ng España o ang lane na patungo sa Quezon Avenue.

Nang magsimula namang tumulak pa-Mendiola ang mga raliyista unti-unti nang umusad ang daloy ng traffic. JOHNNY ARASGA

HIMAS rehas ang 46-anyos na babae matapos hindi bayaran ang inorder nitong pagkain  sa Malate, Maynila kagabi.

Si Maria Criselda Candona ng 104 Road One Bagong Pag-asa, Quezon City ay nakakulong sa MPD-Station 9 dahil sa reklamo ni Aljon Mendoza, 27 Branch Manager ng Zucchero Cafe and Bar, Harbor Square, Malate, Maynila.

Ayon kay Mendoza, umabot sa P1,768.50  ang inorder na pagkain na inorder ni Cadona na hindi nito binayaran.

Sa report, alas-8 :00 kagabi nang pumasok ng establisimiyento ang suspek at saka umorder ng pagkain.

Nang matapos kumain tinawag nito ang manager at saka sinabi na wala siyang pera na  pambayad sa kinain.

Ipinagmalaki pa nito na siya ay empleyado ng gobyerno kaya hindi bawal kumain ng hindi nagbabayad.

Kaagad namang tumawag sa himpilan ng pulisya si Mendoza at pinaaresto ang suspek. JOCELYN TABANGCURA-DOMENDEN

UTAS ang tatlong hinihinalang miyembro ng “gun-for-hire” syndicate makaraang mapatay sa engkwentro sa pagitan ng pinagsanib na operatiba ng Quezon City Police District (QCPD), Special Traffic Action Group (STAG) at Highway Patrol Group (HPG) Task Force Limbas sa Quezon City, kaninang madaling-araw Mayo 2, 2018 (Miyerkules).

Ayon kay Inspector Boy Monsalve homicide chief ng Quezon City Police District-Criminal Investigation and Detection Unit (QCPD-CIDU) ang tatlong suspek na napatay ay pawang hindi pa nakikilala dahil sa kawalan ng identification card sa kanilang mga katawan.

Nabatid sa ulat na nakatanggap umano ang HPG police ng intelligence information tungkol sa mga suspek na may nakatakdang ambusin sa lungsod kaya’t agad silang nakipag-koordinasyon sa QCPD para maglagay ng “check point”.

Dakong alas- 2:00 ng madaling-araw, May 2,2018 (Miyerkules), agad naglagay ng choke point ang mga pulis sa Payatas Rd. malapit sa Violago Homes II, Brgy. Payatas at naispatan ang mga suspek sakay ng dalawang motorsiklo galing Montalban,Rizal.

Subalit nang makita ng mga suspek ang mga pulis ay mabilis na nag-u-turn ang mga ito pabalik ng Montalban.

Agad namang hinabol ng mga operatiba ng QCPD ang mga suspek suballit pinaputukan ng mga suspek ang mga awtoridad habang tumatakas, dahilan para gumanti naman nang putok ang mga pulis.

Matapos ang ilang minutong barilan ay nakitang duguang nakabulagta ang tatlong suspek at isinugod sa Malvar General Hospital subalit binawian din ng buhay.

Wala naman namatay o nasugatan sa panig ng mga awtoridad sa naturang engkuwentro.

Nasamsam ng SOCO team sa crime scene ang loaded Colt caliber .45 pistol na may serial no. 257491, isang loaded caliber .38 revolver, isang loaded Remington caliber .45 na may nabubura nang serial number, cellular phone, kulay itim na Yamaha Fino at SYM motorcycles na walang plaka. SANTI CELARIO

NAGING mapait ang sinapit ng isang 4th year student na dalaga matapos itong gahasain ng binatang kainuman nito ng makatulog ang una kaninang hating gabi sa May 2, sa Malabon City,

Kasalukuyang nakakulong ang manyakis na suspek na nakilalang si Marbin Joseph Mallari 23, anyos binata ng 321 Custudio st., Brgy. Santulan matapos itong arestuhin nina P01 Rafael Jay Arro at Po1sa pagkalsing ang una

Base sa isinagawang imbestigasyon ni Malabon Police Women’s and Children Protection Desk investigator PO2 Mary June Belza, nag-inuman ang biktima at ang suspek kasama ang mga kaanak nito sa No. 407 Custodio St. Brgy. Santulan dakong alas-12 ng hating gabi

Nang makaramdam ng pagkahilo at pag kalasing ang biktima ay nakatulog ito na sinimulan namang pagnasaan at pagsamantalahan ng suspek bago dinala ang dalaga sa ibang kuwarto.

Sa pahayag ng biktima sa pulisya, nagising siya nang maramdaman ang pananakit sa kanyang maselang bahagi ng katawan hanggang sa mapansin niya na wala siyang saplot sa katawan habang ang suspek naman ay naka-patong sa kanya.

Hindi matanggap ng biktima ang kanyang mapait na sinapit sa suspek kaya sinabi nito sa kanyang kaibigan na si Rica ang ginagawa sa kanya saka humingi ito ng tulong kay PCP-1 Commander P/ Insp. Ysmael Reyes na nagresulta sa pagkakaaresto sa suspek at dinala sa presinto. ROGER PANIZAL

Kinilala ni P/Supt. Rodelio B. Marcelo, hepe ng Criminal Investigation and Detection Unit (CIDU) ng Quezon City Police District (QCPD, ang biktimang si Rosana Purificacion Crisostomo, 50-anyos, walang trabaho at residente ng no. 11 Freedom Park Ext., Brgy. Batasan Hills,QC.

Sa inisyal na imbestigasyon ni P02 Julius P. Raz, ng CIDU, ang pamamaril ay naganap dakong alas-12:05 ng hatinggabi sa harapan mismo ng tahanan ng biktima sa nasabin barangay.

Batay sa pahayag ng anak ng biktima na nakilalang si Renuel, tinutulungan umano niya sa paglalaba ang kanyang nanay nang huminto mula sa harapan ng kanilang bahay ang isang kulay puting Mitsubishi L300 FB na walang plaka na may sakay na tatlong katao.

Binuksan umano ng lalaking nakaupo sa tabi ng driver ang bintana ng sasakyan at bigla na lamang silang pinaputukan ng sunud-sunod ng  baril.

Bagamat duguang nang nakahadusay ang biktima ay tila hindi pa umano nakuntento ang mga suspek, dahil ang lalaking nakaupo naman sa likuran ng sasakyan ay nagbukas din ng bintana at muling niratrat ng bala ng baril ang ginang bago tuluyang tumakas.

Hindi naman pinatamaan ng bala ng baril ang anak ng biktima na mabilis na tumakbo at pagbalik niya ay humingi siya ng saklolo sa kanilang mga kapitbahay.

Agad na dinala sa East Avenue Medical Center ang ginang subalit binawian din ito ng buhay.

Nabatid na kalalabas lamang ng piitan ng ginang matapos na kasama itong bitbitin ito sa presinto sa isinagawang Oplan Galugad ng pulisya. SANTI CELARIO

ISANG 66-anyos na lolo ang naaresto matapos ireklamo ng isang 16 anyos ng 2 counts ng rape may isang taon na ang nakakalipas sa may Sta. Mesa, Maynila.

Naaresto si Roberto Baranda , may asawa, ng 727 Bagong Bayan St., Sta.Mesa, sa bisa ng Warrant of Arrest na inisyu ni Hon Judge Jose Lorenzo Dela Rosa ng Manila Regional Trial Court (RTC) Branch 4 .

Namataan si Baranda sa Mandaluyong City, nitong nakaraang Mayo 1 at kasalukuyang nakakulong ngayon sa detention cell ng MPD-Sta.Mesa Police Station 8.

Ayon sa team leader na si  SPO3 Allen Mark Caurel, team leader alas 8:00 ng gabi nang maispatan nila ang suspek na naglalakad sa Kalentong St., sa Mandaluyong City.

Sa record ng pulisya, nakitulog umano ang dalagita, nang gawan ng kahalayan ni Baranda, at muli itong naulit dahilan kaya dalawang arrest warrant ang inisyu ni Judge Dela Rosa.

Mariin namang itinanggi ng suspek ang paratang ng biktima .

Wala namang itinakdang piyansa ang korte sa pansamantalang paglaya ng suspek . JOCELYN TABANGCURA-DOMENDEN

NASABAT ang samu’t saring armas at mga ilegal na droga sa property na pag-aari ni Ozamiz City Councilor Ricardo “Ardot” Parojinog.

Ayon kay Chief Insp. Jovie Espenido, Ozamiz police chief, sinalakay nila ang Dottie’s Inn at tanggapan ng MROP Security Agency sa Barangay Banadero na kapwa pag-aari ng konsehal.

It ay makaraang makatanggap sila ng tip na may mga itinatagong baril at mga bala sa nasabing mga establisyimento.

Isinara ang dalawang establisyimento noong nakaraang taon matapos salakayin ng mga pulis ang bahay ni Mayor Reynaldo Parojinog na kapatid ng konsehal.

Sa ngayon pinaghahanap pa rin si Konsehal Parojinog at may patong na 5 milyong piso sa ulo nito.

Nakuha mula sa ginawang pagsalakay ang dalawang antitank rockets, dalawa rocket-propelled grenades, tatlong rifle grenades, kabinglimang 12-gauge shotguns, labingwalong 9mm na baril, walong .38-caliber revolvers, isang M16 rifle, at mga bala at magazines.

Kasunod nito sinalakay din ng mga otoridad ang farm na pag-aari naman ng isang Ian Dionson na aide ng konsehal at may mga nasabat namang pampasabog at 250 grams ng hinihinalang shabu.

Hindi inabutan si Dionson sa ginawang raid kaya inimbitahan na lang sa presinto ang caretaker ng farm na si Elmer Prenio para sumailalim sa pagtatanong. JOHNNY ARASGA

APAT na lugar sa lungsod ng Maynila ang inilagay sa watchlist kaugnay sa synchronized Barangay at Sangguniang Kabataan (SK) elections sa darating na Mayo 14.

Ayon kay MPD Spokesperson Supt. Erwin Margarejo, kabilang sa binabantayang lugar ang Brgy. 386, Brgy. 648, Brgy.649 at 650 kung saan ikinukunsidera madalas magkaroon ng election related violence.

Habang ang iba namang lugar sa Maynila na itinuturing na area of concern ay patuloy ding imo-monitor at evaluation ng MPD.

Kabilang sa area of concern ang Baseco, Delpan, Parola dahil mainit ang eleksyon sa nasabing mga lugar.

Kaugnay nito, ipinag-utos na ni MPD Director Chief Supt. Joel Coronel sa lahat ng station commanders na paigtingin ang paglaban sa kriminalidad at pagsasagawa ng Oplan Sita at pagtatalaga ng mga miyembro ng MPD sa mga lugar na kabilang sa watchlist na may kinalaman sa Barangay at SK elections.cJOCELYN TABANGCURA-DOMENDEN

ISANG lalaki at ang kaangkas nito sa motorsiklo ang kapwa namatay matapos itong mabundol na isang rumaragasang L-300 van kaninang medaling-araw Mayo 4 sa Malabon City.

Si Joselito Galang, Jr. 47 ng 25 Kaunlaran St, Muzon at si Famous Garcia. 41 ng No. 9 Women’s Club Street, Flores ay nasawi habang ginagamot sa sa Tondo Medical Center sanhi ng mga tinamong pinsala sa ulo at katawan habang ang driver ng L-300 van na nakilalang si Eufenio Obrero, Jr. 47 n g No. 4 Kapitan Tiago St. Acacia ay nagtamo ng kaunting sugat sa ulo at katawan

Ayon kay Malabon police traffic investigator SPO3 Francisco Verzosa ang motorsiklo na mimananeho ni Garcia ay tinatahak ang kahabaan ng Gov. Pascual Street pasado ala 1:30 ng madaling-araw patunong Monumento Caloocan City nang makabangaan nito ang L-300 van kung saan magkasalubong ang nasabing sasakyan

Ayon sa Traffic investigator ang L-300 van ay kinain ang linya kung saan nagkaton naman na parating ang motorsiklo na nagresulta ng banggaan

Dahil s alakas ng impact, ang driver at ang laangkas nito ay pareho tumalsik at tumama ang kanilang mga ulo at katawan sa sementadong kalsada

Kinasuhan ng pulis ng 2 counts ng reckless imprudence resulting in homicide at damage to property laban sa suspek sa Malabon City Prosecutors Office. ROGER PANIZAL

NASAWI ang mag-asawa at apat na taong gulang nilang anak na lalaki matapos mabangga at magulungan ng cement mixer truck ang kanilang sinasakyang motorsiklo sa Caloocan City, kaninang madaling-araw.

Dead on the spot sanhi ng tinamong pinsala sa ulo at katawan si Romel Bellen, 27, samantalang binawian naman ng buhay habang ginagamot sa Caloocan City Medical Center ang kanyang asawa na si Melit Bellen, 25 at anak na si Uno Mero, 4-anyos, pawang mga residente ng No. 63 A Pascual St., San Agustin, Malabon City.

Hawak naman ng pulisya ang driver ng Isuzu Rebuilt Mixer (APA-6140) na nakarehistro sa Flordes 8888Ready Mix Concrete Inc. at minamaneho ni Romel Dumangas, 37 ng Lapu-Lapu St. Kaunlaran Village, Navotas City.

Sa isinagawang imbestigasyon ni PO1 Hilbert Tumabcao, dakong alas-3:20 ng madaling-araw, angkas ng biktima ang kanyang mag-ina sa minamanehong motorsiklo habang tinatahak ang kahabaan ng Dagat-Dagatan Avenue patungong C-3 Road.

Pagsapit sa kanto ng Langaray Street, napadaan ang motorsiklo sa takip ng man hole na bakal kaya nawalan ng control ang driver na naging dahilan upang matumba ang mga ito sa daanan ng mixer.

Nabangga ng sumusunod na mixer na minamaneho ni Dumangas ang motorsiklo at nagulungan na nagresulta ng agarang kamatayan ng driver nito habang mabilis namang isinugod sa naturang pagamutan ang kanyang mag-ina.

Nadakip naman ng pulisya si Dumangas na nahaharap ngayon sa kaukulang kaso sa piskalya ng Caloocan City. RENE MANAHAN

SINIBAK kaninang umaga Mayo 4, 2018 (Biyernes) sa puwesto ang hepe ng Station Drug Enforcement Unit (SDEU) Quezon City Police Galas at ang siyam na tauhan nito dahil umano sa pangingikil sa isang hinihinalang drug suspek na nadakip sa Quezon City.

Ipinag-utos ni National Capital Region Police Office (NCRPO) chief Police Director Camilo Pancratius P. Cascolan ang pagsibak sa puwesto kay Police Chief Inspector Erwin Guevarra, chief ng SDEU ng Galas police station at ang siyam na tauhan nito na sina PO2 Noel Sanchez, PO1 Edward Ramos, PO1 Michael Eric Ramirez, PO1 Ray John Rodriguez, PO1 Gaudencio Escoton Jr, PO1 Sepzon Suclad, PO1 John Ryan Rodriguez, PO1 Dennis Eria and PO1 Leny Atma.

Iniutos ni Director Cascolan ang pagsibak sa puwesto sa mga naturang pulis at mahigpit na binabantayan ang mga ito sa district headquarters ng Camp Karingal habang isinasagawa ang imbestigasyon.

Kasama din sinibak ang station commander ng Galas police station na si Supt. Igmedio Bernaldez dahil sa command responsibility.

Ipinag-utos din ni QCPD Director, Police Chief Superintendent Joselito T Esquivel Jr. ang pagsasampa ng kasong administratibo sa mga naturang pulis.

Nag-ugat ang pagsibak sa mga naturang pulis matapos umanong magreklamo ang isang Lorenzo Miguel Soriano kaanak ng isa sa tatlong dinakip na drug suspek ng magtungo sa Quezon City Police District headquarters sa Camp Karingal dakong alas-5:30 ng hapon nitong nakalipas na Mayo 3, 2018 (Huwebes) at sinabi na ang mga pulis na dumakip sa kanilang kaanak ay humihingi ng pera para sa kalayaan ng mga dinakip.

Ayon pa sa ulat dakong 4:30 ng umaga ng naturang araw at petsa ang tiyuhin ni Lorenzo na si Flexis Jeffrey Soriano, 40, negosyante at driver nito ay dinakip ng mga pulis dahil sa kasong illegal drugs at illegal possession of firearm sa isinagawang buy bust operation ng Galas police anti-drug personnel sa E. Rodriguez cor. Tomas Morato, Brgy. Kristong Hari, QC.

Dinala ang mga dinakip na suspek sa Galas Police station 11 headquarters at humingi umano ang mga pulis ng halagang P200,000 kapalit ng paglaya ng mga dinakip.

Ang naturang halaga ay dinala umano ni Lorenzo Soriano dakong alas 9:20 ng umaga sa loob ng SDEU office ng Galas police at sinabi sa kanya na maghintay sa labas para sa paglaya ng kanyang tiyuhin.

Dakong alas 4:00 ng hapon ng naturang araw muling humingi umano ang dagdag na P100,000.00 ang mga humiling pulis kay Lorenzo dahilan para humingi na ito ng police assistance.

Bunsod nito nagsagawa ng entrapment operation ang pinagsanib na operatiba ng District Intelligence Division (DID), District Special Operations Unit (DSOU) at Special Reaction Unit (SRU) na nagresulta ng pagkakadakip ng mga naturang pulis sa loob ng Galas police station.

Bukod sa kasong criminal na robbery/extortion, nahaharap din ang mga naturang pulis sa kasong administratibo. SANTI CELARIO

HANDA na ang pamunuan ng Manila Police District (MPD) sa pagtiyak sa seguridad sa gaganaping World Wide Walk o Charity Walk ng Iglesia ni Cristo sa Linggo sa bisinidad ng Roxas Boulevard at Quirino Grandstand.

Katunayan ayon kay MPD Spokesman Supt. Erwin Margarejo, nasa 3,000 kapulisan ang ipapakalat sa nasabing pagdiriwang.

Alas-4 pa lamang ng madaling-araw ay sisimulan na ang charity walk sa Pasay CitY patungong Rizal Park.

Inorganisa ang naturang charity walk ng INC at ng Felix Manalo Foundaton Inc., na ang pangunahing layunin ay ang nakalikom ng nalaking pondo para sa mga livelihood programs at medical mission sa bansa.

Pangunahing layunin ng charity walk na makalikom ng malaking pondo para sa mga livelihood programs at medical mission at labanan ang kahirapan at iangat ang kabuhayan ng sambayanang Filipino sa pamamagitan ng pananalangin at pagkakaisa.

Naglabas na rin ng abiso ang Manila Traffic Bureau sa mga lansangan na kailanganing isara  kabilang na rito ang East at westbound lane ng P. Burgos mula sa Roxas Boulevard hanggang sa Lagusnilad.

Ang magkabilang lane ng Finance Road mula sa Taft Avenue patungo sa P. Burgos; east at westbound lane ng TM Kalaw mula sa Taft Avenue hanggang sa Roxas Boulevard; westbound lane ng President Quirino, mula sat aft Avenue hanggang sa Roxas Boulevard; north at southbound lane ng Bonifacio Drive ng Bonifacio Drive mula sa Anda Circle patungo sa P. Ocampo at ang north at south bound lane ng Roxas Boulevard mula sa P. Burgos hanggang sa P. Ocampo.

Gayundin, may mga alternatibong ruta naman na inilabas upang makaiwas sa pagsisikip ng daloy ng trapiko ang mga motoristang maapektuhan sa naturang event. JOCELYN TABANGCURA-DOMENDEN

HINDI na nakalabas ng Sta. Mesa Police Station ang isang ginang na bumibisita lamang sa kanyang nakakulong na live-in partner makaraang makuhanan ng iligal na droga ng mga pulis na sumita sa kanya.

Batay sa impormasyon mula kay Police Supt. Ruben Rama Ramos ng Sta. Mesa Police Station-6, pasado alas 5:40 Sabado ng hapon nang bisitahin ng suspek na si Glenda Garcia, 42 anyos ang kanyang nakakulong na nobyo na si Wesly Imperial, na nakulong din dahil sa kasong droga.

At habang nasa loob ng istasyon ng pulis ang ginang ay nakatanggap ng impormasyon si PCInsp. Ermie San Agustin na sinusuplayan umano ng shabu ni Garcia ang mga inmate sa kanilang presinto.

Dahil dito ay nagsagawa ng security inspection si San Agustin at ipinag-utos ang pagkapkap sa suspek. Dito ay positibong nakuhanan ng 2-piraso ng plastic sachet ng shabu si Garcia na nagtitimbang ng 0.04 na gramo.

Kasong paglabag sa Republic Act 9165 ang kinahaharap ng suspek na idinetine na rin sa loob ng tanggapan ng Sta. Mesa PS-6. JOHNNY ARASGA

LIMA katao ang inaresto ng mga tauhan ng Manila Police District (MPD) sa ikinasang Oplan Lambat sibat at Oplan double barrel reloaded sa Tondo, Maynila.

Kapwa nakakulong ngayon sa Raxabago-Tondo Police Station-1 ng MPD ang mga naarestong sina Rex Segarino, 37 ; Jocebel Lopez, 43; JM Raqueza, 20; Rolando Ramos, 27 at Ronnie Alivar, 43 anyos.

Ayon sa ulat ng nasabing istasyon, pawang mga nasa drug watchlist ang mga suspek na naaresto sa bahagi ng Moriones St., Tondo, Maynila.

Narekober sa mga suspek ang 5-piraso ng plastic sachet na naglalaman ng shabu.

Sasampahan ng kasong paglabag sa Republic Act 9165 ang mga suspek sa Manila Prosecutors Office. JOCELYN TABANGCURA-DOMENDEN

SUGATAN ang isang 34-anyos na Pinay matapos na iumpog sa pader ng ‘confidante’ ng kanyang kinakasamang Koreano sa tinutuluyang Condominium sa Mabini St. Malate, Maynila.

Nakakulong na ngayon ang suspek na si Young Sung Jeon, 45 na nanunuluyan sa Rm. 232 Arirang Hotel na matatagpuan sa A. Mabini St. Malate, Maynila dahil sa reklamo ni Gessery Joban Pilapil, 34, nanunuluyan sa 1102 Royal Plaza ,Twin Tower Condominium .

Sa imbestigasyon ni SPO1 Jayjay Jacob,ng Manila Police District-General Assignment and Investigation Section (MPD-GAIS), naganap ang insidente dakong 10:30 ng gabi nabanggit na kuwarto ng suspek.

Sa pahayag ng biktima, pinatira ng kanyang kinakasama ang suspek sa isang kuwarto na katabi lamang ng kanilang kuwarto.

Aniya, sinisiraan siya ng suspek sa kanyang kinakasama kaya kinompronta nito.

Sa kuwarto ng suspek, sa gitna ng kanilang komprontasyon, bigla na lamang umano siyang sinigawan at itinulak.

Nang tangkain nitong tumayo, hinawakan siya sa buhok saka ilang beses na inmpog sa pader ang kanyang ulo hanggang sa magdugo.

Agad namang nagreklamo ang biktima sa hotel security nang makawala ito sa suspek at agad nagreklamo sa pulisya.

Kaagad naman dinampot ng mga pulis ang suspek at sinampahan ng kasong physical injury. JOCELYN TABANGCURA-DOMENDEN

MARAGADON, CAVITE– Arestado ang tatlong security guard habang nakatakas naman ang isa pa sa isinagawang search operation ng mga kapulisan ng Maragondon, Cavite at sa ilalim ng direktiba ni Calabarzon Regional Director Police Chief Supt. Guillermo Lorenzo T. Eleazar.

Nakilala ang mga suspek na sina Rogelio Madlangbayan, nasa hustong gulang, magsasaka, residente ng Brgy. Pinagsanhan-B, Harold Velasco, 28, Anthony Amor, 32, Lowelito Valencia, 45, mga security guard at pawang mga taga Quezon.

Ayon sa report dakong 4:00 ng hapon ng isilbi ang isang search warrant sa bahay ng unang suspek na nakuhanan ng limang piraso ng bala para sa kalibre 45 na baril sa di kalayuan sa bahay ni Madlangbayan ay namataan ng mga otoridad ang tatlong kalalakihan na may sukbit na mga baril na kinabibilangan ng dalawang Colt automatic 45 na baril, 2 piraso ng magazine na may laman 13 piraso ng mga bala, isang Smith Wesson Magnum 357 na baril na may laman na apat na piraso ng bala na walang mga kaukulang dokumento.

Nakakulong ngayon ang tatlong sekyu sa Maragondon Custodial Facility habang nakatakas naman si Madlangbayan at mahaharap sa Violation of RA 10591 and Omnibus Election Code ang mga suspek. JOSE KOI LAURA